Татарстанда республиканың муниципаль районнарында эшкуарлык эшчәнлеген алып бару шартлары турында бизнес һәм үзмәшгульләр арасында сораштыру башланды.

Россия Федерациясе Хөкүмәтенең «Россия Федерациясе Хөкүмәтенең кайбер актларына үзгәрешләр кертү турында» 29.07.2024 № 1025 карары белән балалы гаиләләргә ярдәм итү программасы озайтылды, аның ярдәмендә алар ипотека буенча торак кредитлары (заемнары) буенча йөкләмәләрне каплау өчен дәүләттән 450 мең сум алырга мөмкин. Программа 2019 елның 1 гыйнварыннан 2030 елның 31 декабренә кадәр өченче баласы яки аннан соңгы балалары туган гаиләләргә кагыла. Күрсәтелгән дәүләт ярдәме чаралары 2031 елның 1 июленә кадәр кредит шартнамәсе төзегәндә алынырга мөмкин. Хөкүмәтнең 07.09.2019 № 1170 карары белән расланган, балалы гаиләләргә торак кредитлары (заемнары) буенча йөкләмәләрне түләү өчен шартлар тудыру максатларында дәүләт ярдәме чараларын гамәлгә ашыруга бәйле рәвештә алынып бетмәгән керемнәрне һәм чыгымнарны каплауга «ДОМ.РФ» акционерлык җәмгыятенә субсидияләр бирү кагыйдәләре үз көчен югалткан дип танылды.

Россия Социаль фондының Татарстан Республикасы бүлеге кисәтә: алдакчылардан сакланыгыз!   Россия Социаль фондының Татарстан Республикасы  бүлеге клиентлар хезмәтенә һәм контакт-үзәгенә гражданнардан мошенниклар шалтыратулары турында мөрәҗәгатьләр еш керә: алар  кәрәзле телефоннарга шалтырата, үзләрен фонд хезмәткәрләре дип таныштырып,   "яңа кагыйдәләр" буенча кешегә пенсия өчен стаж җитми, дип әйтәләр, шуннан соң, әгәр аны расламасаң, түләүләрне туктатып тору белән куркыталар. Мошенниклар пенсионерны Татарстан Республикасы буенча Социаль фонд бүлегенә яки күпфункцияле үзәккә кабул итүгә язып куярга тәкъдим итәләр, ә аннары язманы СМС коды буенча раслауны сорыйлар. Әгәр сезгә шундый эчтәлектәге шалтырату була икән, белеп торыгыз - сез мошенниклар белән сөйләшәсез. Россия Социаль фондының Татарстан Республикасы бүлеге мондый очракларда аралашуны мөмкин кадәр тизрәк туктатырга киңәш итә. Уяу булыгыз! Беркайчан да телефон аша паспорт мәгълүматларыгызны, банк картасы номерын, ПИН-, СМС-код яки шәхси кабинет паролен әйтмәгез. Бу хакта өлкән яшьтәге якыннарыгызның һәм танышларыгызның исләренә төшереп торыгыз! "Безнең бүлек хезмәткәрләре үз хезмәтләрен йорттан йортка тәкъдим итеп йөрмиләр. Барлык хезмәтләр дә фонд бүлекләренең клиентлар хезмәтендә һәм дәүләт хезмәтләре порталында бушлай күрсәтелә», - дип искәртте Татарстан Социаль фонды бүлеге идарәчесе Эдуард Вафин. Актуаль яңалыклар белән сез безнең ВКонтакте, Одноклассники һәм Telegram социаль челтәрләрендә   таныша аласыз. Сорауларыгыз булса,  дүшәмбедән пәнҗешәмбегә кадәр 08.15тән 17.30га кадәр, җомга көнне 08.15-16.15 сәгатьләрдә 8-800-1-00000-1 телефон номеры буенча шалтыратып,  Россия Социаль фондының Татарстан Республикасы бүлеге бердәм контакт-үзәгеннән консультация ала аласыз.

Россия Социаль фондының Татарстан Республикасы буенча бүлеге бу максатларга 357,8 миллион сумнан артык акча җибәрде.    Ана капиталы ярдәмендә теләсә кайсы белем бирү оешмаларында, балалар бакчасыннан һәм мәктәптән башлап колледж һәм университетка кадәр, шулай ук чит тел һәм автомобиль йөртү курслары, иҗат дәресләре һәм спорт дәресләре өчен түләргә мөмкин. Моннан тыш, ана капиталы уку вакытында бирелгән Тулай торакта торак һәм коммуналь хезмәтләр өчен түләргә мөмкинлек бирә. Төп шартлар: уку йорты Россия территориясендә урнашырга һәм белем бирү эшчәнлеген гамәлгә ашыруга лицензиясе булырга тиеш.    Ана капиталы акчаларын гаиләдәге теләсә кайсы балага кулланырга мөмкин, шул ук вакытта баланың укуны башлау вакытына яше 25 яшьтән артмаска тиеш. Мәктәптә, көллияттә яки университетта уку өчен түләү бары тик